Doctors' Association for Social Equality

முது நிலை மருத்துவக்கல்வி வாய்ப்புக் கோரி சென்னையில் வரும் ஞாயிறு அன்று டாக்டர்கள் ஆர்ப்பாட்டம்.


இது குறித்து சமூக சமத்துவத்திற்கான டாக்டர்கள் சங்கத்தின் பொதுச் செயலாளர் டாக்டர் ஜி.ஆர்.ரவீந்திரநாத் விடுத்துள்ள இதழ்ச் செய்தி.

பணிநிரந்தரம் பெற்றுள்ள ஒப்பந்த டாக்டர்களுக்கும், நீலகிரி மாவட்டத்தில் தற்காலிகமாக பணியாற்றிவரும் டாக்டர்களுக்கும் அரசு ஒதுக்கீட்டில் வரும் கல்வியாண்டில் முது நிலை மருத்துவக்கல்வி பயில வாய்ப்பளித்திட வலியுறுத்தியும், அதற்கேற்ப டி.என்.பி.எஸ்.சி மூலம் பணியமர்த்தப்பட்டவர்கள் மட்டுமே அரசு ஒதுக்கீட்டில் முதுநிலை மருத்துவக்கல்வி பயிலலாம் என்ற விதியை மாணவர் சேர்க்கை குறிப்பேட்டிலிருந்து நீக்கவேண்டும் என வலியுறுத்தியும், சீமான் மற்றும் பீமான் மையங்களில் பணிபுரியும் முது நிலை மருத்துவர்கள் உட்பட அனைத்து மருத்துவர்களுக்கும் டி.என்.பி.எஸ்.சி சிறப்புத் தேர்வு மூலம் உடனடியாக பணிநிரந்தரம் வழங்கிடக்கோரியும் , சமூக சமத்துவத்திற்கான டாக்டர்கள் சங்கத்தின் சார்பில் வரும் 23.11.08 ஞாயிறு காலை 11.00 மணி முதல் 12.00 மணி வரை சென்னை மெமோரியல் ஹால் அருகில் ஆர்ப்பாட்டம் நடைபெறுகிறது..

சங்கத் தலைவர் டாக்டர் டி.அறம் தலைமை தாங்குகிறார். சி.பி.ஐ மாநில செயலாளர் தா.பாண்டியன் துவக்கிவைக்கிறார், டாக்டர்கள் கு.முத்துக்குமார், தி.மோகன்,பி.துரை,ஆர்.சுந்தர்,அருள்நம்பி,சிவக்குமரன்,.திருவாரூர் சந்திரசேகர்,தர்மபுரி சரவணன் உள்ளிட்டோர் கோரிக்கை விளக்க உரையாற்றுகின்றனர்.பொதுச்செயலாளர் டாக்டர்.ஜி.ஆர்.ரவீந்திரநாத் முடித்து வைக்கிறார்.இதில் ஏராளமான டாக்டர்கள் பங்கேற்பர்.